Интер и Марцело Брозовиќ веќе неколку месеци преговараат за продолжување на договорот, но, барем засега, нема официјална потврда дека Хрватот останува во Милано.
Се преговара за плата од околу шест милиони евра, но Барселона е заинтересирана за услугите на Хрватот и нуди многу повеќе.
Според првичните информации, Каталонците му нудат осум милиони евра по сезона и договор на три години. Сепак, тешко е за верување дека Брозовиќ ќе го напушти Интер бидејќи неколку пати изјави дека сака во овој клуб да игра што е можно подолго.
Хрватот дојде во шампоионот на Италија пред седум години од Динамо Загреб, во трансфер вреден осум милиони евра, а во тој период Брозо забележа 271 натпревар, на кој даде 26 гола и има 35 асистенции.
