Барселона по трет пат во само два месеци го победи големиот ривал Реал Мадрид, на кошаркарски терен. Каталонците во декември славеа дома со 93:80 во меч од Евролигата, потоа пред неполни 20 дена се радуваа во Мадрид со 85:75 се радуваше во Мадрид во дуел од домашното првенство, а вечерва повторно во Мадрид победи со убедливи 86:68, во Евролигата.
Уште од самиот почеток Барселона заигра фуриозно и поведе со неверојатни 24:2 и мадриѓани до крајот на дуелот не успеаа да се вратат од нокаутот. Во втората четвртина, Барселона имаше водство од 26 разлика (38:12) и до крајот на мечот, Кралевите во ниту еден момент не успеаа да се вратат барем на едноцифрена негатива.
И во останатите два меча одиграни вечерва во Евролигата, победија гостите. Црвена ѕвезда изненади кај Уникс Казан и триумфираше со 84:77, додека Панатинаикос го победи Лион во Франција со 76:63.
