Екипата на Барселона со 5:2 го „тресна“ Реал Мадрид во женското фудбалско Ел Класико од четврт-финалето во Лигата на шампионите.
Дамите од Каталонија уште по првата средба од Мадрид имаа предност од 3:1, а на оваа само ја потврдија доминацијата во однос на Кралскиот клуб. За тоа да биде уште повпечатливо, се погрижија 91.553 навивачи коишто беа на „Камп ноу“, што е нов рекорд на посетеност во женскиот фудбал.
Мапи Леон во осмата минута донесе водство за Барса, додека на 1:1 израмни Олга Кармона пред крајот на првиот дел. Изненадувачки, Реал дојде до предност од 1:2 преку Клаудија Зорноза (48′), но следуваше одговор од домаќините.
Атијана Бонманти (52′), Клаудија Пиња (55′), Алексија Путељас (62′) и Каролин Хансен (70′) стрелаа за огромна радост на полниот „Камп ноу“.
Во наредната, полуфинална фаза, Барселона ќе го сочека подобриот од Арсенал и Волфсбург, а по првиот меч во Англија, резултатот е 1:1.
Culers, the world record for attendance at a women’s football match is ours! pic.twitter.com/Hu94A9PXDO
— FC Barcelona (@FCBarcelona) March 30, 2022
