Кошаркарите на Барселона со убедливи 84:57 го совладаа тимот на Виртус Болоња во дербито на 24-тото коло во Евролигата.
Мечот кој требаше да претставува дерби, помина во апсолутна доминација на кошаркарите на Барселона, кои ги добија сите четири четвртини, а дилемите околу победикот беа решени во втората четвртина, во која играчите на Виртус постигнаа само 10 поени.
Со победата, Барселона изби на второто место на табелата со учинок од 16 победи и осум порази, додека Виртус Болоња сега е трет со една победа помалку.
Најдобар кај Барселона беше Вили Ернангомез со 17 поени, додека Кординие на спротивната страна даде 12 поени.
Панатинаикос пред своите гледачи во „ОАКА“ го победи Армани Милано со 79:62 и се израмни со Виртус на табелата.
Мариус Григонис беше најдобар кај грчкиот тим со 15 постигнати поени, додека Шабаз Нејпир даде 16 поени за Армани, кој сега има учинок од 10 победи и 14 порази.
