Атлетико Мадрид ја изненади Барселона на нејзин терен со 2-0, а ПСЖ со истиот резултат оди на реванш на „Енфилд“ против Ливерпул.
Вечерашните мечеви од четвртфиналето во Лигата на шампионите донесоа по еден очекуван и неочекуван исход, па во вторник на Каталонците и Црвените ќе им треба мало чудо за да успеат да се пробијат во полуфиналето.
Атлетико после цели 20 години пауза успеа да слави на најголемиот стадион во Европа, „Камп Ноу“, а во тоа многу им помогна црвениот картон на Пау Кубарси од Барса во финишот на првото полувреме.
Ливерпул може да биде и задоволен што не претрпе поубедлив пораз од тимот од кој беше елиминиран минатата сезона, но и овие 0-2 против актуелниот европски првак се тешка ситуација.
