Репрезентацијата на Португалија веќе обезбеди место на завршницата на Европското првенство кое следната година ќе се игра во Германија, но имаат уште обврска за да го доиграат квалификациите. Следниот предизвик за Португалците ќе биде гостувањето кај Босна и Херцеговина, а фаворизираната селекција може да игра без еден важен играч.
Според пишувањата на каталонскиот весник Спорт, Барселона дала молба до селекторот на Португалија, Роберто Мартинез, да го поштеди Жоао Кансело и да го остави на клупата за резерви.
Кансело сезонава одигра многу мечеви. Само во последните 40 денови има поминато 829 минути на теренот. Единствениот меч кој не го одигра од почеток до крај е Португалија 0 Луксембург на 11 септември.
Дуелот меѓу Босна и Херцеговина и Португалија се игра утре со почеток од 20:45 часот во Зеница.
