Роналд Куман од наредната недела нема да биде повеќе тренер на Барселона.
Раководството на каталонскиот тим одлучи да му врачи отказ на холандскиот тренер, кој постигнува резултати кои се под очекувањата на тимот.
Иако играчите му даваат поддршка, сепак, тоа не беше доволно за останување на Куман по дебаклот од Бенфика од 3:0, а разделбата ќе ја чини Барселона 12 милиони евра.
Веќе на големо се шпекулираат неговите заменици, а како најсериозни кандидати се Роберто Мартинес, како и клупската легенда Чави.
Во секој случај тимот ќе мора добро да го одбере новиот предводник, со оглед на тоа во каква ситуација се наѓаат во моментов, и на финансиски и на резултатски план.
