Женската екипа на Барселона на 30 март, во четвртфиналето од Лигата на шампионите, ќе игра против вечниот ривал Реал Мадрид. Дуелот ќе се игра на „Камп ноу“, а неверојатен е податокот дека сите карти се распродадени освен мал дел наменет за ВИП делот.
Според овој податок, Ел Класико ќе биде најгледаниот меч во историјата на женскиот фудбал затоа што капацитетот на „Камп ноу“ е 99.354 седишта. Актуелниот рекорд за најпосетен женски меч е тој меѓу Атлетико Мадрид и Барселона одигран во март 2019 година на „Ванда Метрополитано“. На трибините на мадридскиот стадион тогаш имаше 60.739 гледачи.
Пред мечот во Лигата на шампионите, Барселона и Реал Мадрид ќе играат и во првенството. Следниот викенд Барселона со победа над Кралскиот клуб може да ја обезбеди титулата во шпанското првенство. Реал Мадрид моментно е на петтото место во Шпанија со 31 бод помалку од Барселона.
