Младиот турски фудбалер Кенан Јилдиз продолжува да го привлекува вниманието на големите европски клубови, а последен во низата е каталонскиот гигант Барселона. Според наводите на турскиот портал „Радиоспор“, Барселона внимателно ја следи ситуацијата околу талентот кој во моментов го носи дресот на Јувентус.
Јилдиз има 20 години и подолго време е сместен меѓу најголемите фудбалски таленти во Европа. Тој веќе е и турски репрезентативец, а сега Барселона се фокусира на него. Јилдиз во Јувентус дојде во 2022 година од Баерн Минхен, каде што ја помина младинската школа.
🚨 Barcelona have joined the race for Juventus talent Kenan Yıldız, who has been linked with a number of top European clubs.
(Source: Radyospor) pic.twitter.com/Y4P7l7zBy4
— Transfer News Live (@DeadlineDayLive) October 30, 2025
На почетокот настапуваше за вториот тим на Јувентус, но брзо го покажа квалитетот што го поседува и беше прекомандуван во првиот тим. Тренерот Масимилијано Алегри ја препозна неговата смиреност и фудбалска интелигенција, па му даде шанса да биде заедно со сениорите.
