Валенсија слави куп титула во Шпанија, а „лилјаците“ не дозволија историја за Барселона и петта круна по ред за Каталонците во Копа Дел Реј, што би бил рекорд.
На „Бенито Вилјамарин“ во Севилја Валенсија победи со 2:1 со головите на Гамеиро и на Родриго, па голот на Меси за Барса испадна само почесен.
За Валенсија ова е осма титула во 18-то финале во Копа Дел Реј, а успеаја и да го расчистат долгот што Барселона го имаше кон нив за победата во последното финале на овие два клуба во 1971 година.
Барселона се обиде во финишот да израмни, имаше комплетна иницијатива, но не успеа по петти пат по ред да се закити со круната во купот.
Сепак каталонците остануваат најтрофејни во Копа Дел Реј со 30 пехари.
