Иван Ракитиќ бара поголема плата за да ја продолжи верноста кон својот сегашен клуб Барселона, но Каталонците немаат простор за маневар и нема да му понудат ништо ново и поразлично од досегашните примања на хрватскиот репрезентативец, па можна е разделба.
„Стоп Ракитиќ“ е насловната страница на каталонски „Спорт“ што дава сигнали дека Барселона нема да му понуди нов подобар договор на играчот од средниот ред. Имаа понуда за Ракитиќ вредна околу 90 милиони евра од Пари Сен Жермен, но ја одбија.
Ракитиќ е жртва на трансфер политиката на Барселона и на договорите кои се потпишуваа со останатите играчи и продолжување на договорите кои допрва претстојат. Осман Дембеле и Кутињо ја чинеа Барселона околу 250 милиони евра, а со бонуси и над 300 милиони евра, допрва следат преговори со Меси, кој сигурно ќе добие многу подобри услови и астрономска плата, па Хрватот може да извиси и да си замине.
Интерес за него има од повторно од ПСЖ, но и од Манчестер јунајтед, Јувентус, Интер, Баерн…
