Раководството на Барселона останува на својата позиција да го задржи Бразилецот Рафиња, освен ако не добие понуда од 90 милиони евра, соопштува шпанскиот весник „Мундо Депортиво“ и додава дека минатото лето каталонскиот клуб одбил 80 милиони евра за овој фудбалер.
Бразилскиот крилен напаѓач исто така не сака да го напушти клубот во тековниот трансфер период.
Рафиња има уште три години од договорот со каталонскиот гигант, но тешко ќе се избори за стартно место во тимот, имајќи ги предвид квалитетите што ги покажува Ламин Јамал, кој ќе наполни 17 години во јули, а во новата сезона ќе го носи и дресот со број „10“ кој многу години беше привилегија на Лионел Меси.
