Фудбалерите на Барселона синоќа го освоија Суперкупот на Шпанија, а каталонскиот клуб заработи околу девет милиони евра со триумфот во ова натпреварување.
Веќе долго време е познато дека каталонскиот клуб има финансиски проблеми, па оваа сума ќе им значи многу.
Реал, како финалист на Суперкупот на Шпанија, заработи седум милиони евра.
Реал поведе на Ел Класико кое се одигра во Саудиска Арабија, но Барселона веќе до полувремето му даде четири гола на најголемиот ривал.
Каталонците во второто полувреме ја завршија работата до крај и победија со 5-2, иако од 57-та минута играа со фудбалер помалку поради исклучувањето на голманот Војчех Шченсни.
Тимот на Ханси Флик и во првото Ел Класико оваа сезона го декласираше тимот на Карло Анчелоти, а тогаш беше 0-4 на „Сантијаго Бернабеу“.
