Каталонскиот гигант Барселона се надева дека по Светското првенство 2026 ќе успее да го доведе Хулијан Алварес од Атлетико Мадрид.
Аргентинецот по две сезони на „Метрополитано“, се очекува да го напушти клубот за да ја продолжи кариерата на друго место.
За него покажаа интерес два клуба, Барселона и актуелниот лидер во Премиер лигата, Арсенал. Сепак, според шпанските медиуми, сè е веќе договорено и играчот одлучил да потпише за Барселона.
Трансферната сума се очекува да биде околу 70 милиони евра, а главната причина за заминување од Атлетико е желбата на Алварес да игра во клуб каде што ќе може да освојува повеќе трофеи.
Сепак, новите информации ја шокираа Барселона затоа што Атлетико Мадрид наводно бара околу 200 милиони евра за Алварес, што сериозно го поставува прашањето дали трансферот ќе се реализира.
Алварес настапи во 92 натпревари за Атлетико Мадрид, постигнувајќи 42 гола и забележувајќи 14 асистенции. Претходно, во Манчестер сити главно влегуваше од клупата за резерви, но во 103 натпревари постигна 36 гола пред да се пресели во Шпанија.
