Управата на Барселона обелодени каква е финансиската состојба во клубот околу трансферите кои се комплетирани изминативе неколку години.
Имено, актуелниот шпански вицепрвак должи дури 196 милиони евра на вкупно 19 клуба од коишто се купувале играчи. Најголем дел од сумата треба да биде исплатена на Ливерпул за услугите на Филипе Кутињо, околу 40 милиони евра.
Should have clarified that the €126m owed by the club is in "short term" monies owed while the overall amount owed is €196m – including payments due beyond the financial year – of which the outstanding payment for Coutinho is €40m.
— Colin Millar (@Millar_Colin) January 25, 2021
Најголемиот дел од долгот за трансферите, поточно 126 милиони евра, мора да се подмири до крајот на актуелната сезона, во спротивно каталонскиот гигант се соочува со прекршување на правилата околу финансискиот ферплеј.
Доколку се земе предвид целокупниот долг, Барселона е во финансиска криза од над една милијарда евра, односно овој долг порасна за речиси 50% во 2020 година.
Овој долг дефинитивно ќе ѝ ја отежни работата на новата управа, која ќе направи сè за да го задржи Лионел Меси, а не ќе може да му понуди висока плата.
