Барселона победи на тешкото гостување кај Вилјареал со 3:1, во меч од 14. коло во шпанската Примера дивисион. По првото полувреме немаше погодоци, а на почетокот на вториот дел Каталонците поведоа преку Френки де Јонг.
При погодокот на Де Јонг се случи вистинска ВАР драма. Судијата прво досуди офсајд, а потоа мораше да се прегледува снимката. Судиите во ВАР собата утврдија дека милиметри одлучија за Де Јонг не е во офсајд и погодокот беше признат.
Вилјареал израмни преку Самуел Чуквезе во 76 минута, но тоа не ги разочара гостите. Барселона продолжи да напаѓа и во финишот, односно во 88 и 94 минута постигна уште два гола.
Најпрво Депај искористи еден кикс на домашната одбрана и погоди за 2:1, а пред самиот крај Кутињо ја потврди победата на Барселона.
По доаѓање на Чави Ернандес за тренер, Барселона во два меча има две победи во домашното првенство и сега има 23 бодови од 14 мечеви.
