Барселона забележа значаен триумф во Евролигата совладувајќи го актуелниот шампион Панатинаикос со 82-73 во рамките на 21-вото коло. Иако Каталонците беа во негатива по првото полувреме, кога Детелинките водеа со 30-38, тимот одигра фантастична трета четвртина завршувајќи ја со 29-11, што го постави темелот за победата.
Последната четвртина беше израмнета, но Барселона успеа да ја задржи предноста до самиот крај.
Најдобар поединец во победничкиот тим беше Џабари Паркер со 25 поени, додека за ПАО се истакна Џеријан Грант со 17 поени.
Во останатите натпревари, Жалгирис славеше против Виртус Болоња со 77-68, Фенербахче триумфираше во Белград против Црвена ѕвезда со 91-96, а Баерн Минхен оствари минимална победа против Монако со 95-94.
