Со супериорна игра во второто полувреме Барселона го декласира Брест Мешков на гостински терен, победи со 29:21 и се израмни со Вардар на врвот на табелата.
Каталонците имаа предност од еден гол по првите 30 минути, на полувреме беше 15:14 за гостите, кои потоа се разиграа и го декласираа белорускиот состав. Второто полувреме и припадна на Барселона со 14:7.
Сега двете екипи кои се претенденти за ново учество на Ф4 во Келн имаат по 8 бодови во А групата во Лигата на шампионите, но Каталонците имаат меч повеќе.
Вардар утре му гостува на полски Кјелце и ако победи, или ремизира повторно ќе биде осамен на врвот во тешката А група.