Луис Суарес кој има 139 постигнати лигашки голови во дресот на Барселона, станува клучен играч за каталонците во последно време. Иако Лионел Меси неспорно е најдобар фудбалер и лидер на каталонците, уругвајскиот напаѓач е тој што претставува најголема закана за противниците во шпанското првенство. Од последните 10 гола на Барса во лигата, четири се на Суарес, а на другите шест тој беше асистент.
Во последниот период нема гол на Барса во кој не е вклучен Суарес, и тоа го прави поефикасен и од Меси. Според головите во првенството, Суарес е трети стрелец во историјата на Барселона, а ако се сметаат головите во сите натпреварувања, Луис со 188 е четврти на вечната клупска листа.
