Тренерот на Барселона, Ханси Флик, беше принуден за натпреварот од Купот на Шпанија против четвртолигашот Барбастро, на листата на играчи кандидати за настапи да ги изостави Дани Олмо и Пау Виктор бидејќи не се регистрирани од Федерацијата и уште чекаат зелено светло за конечна разрешница на ситуацијата.
За Виктор вечерва веројатно ќе имаше место во стартните 11. Покрај принудните отсуства на Олмо и Пау Виктор, тука се и оние на недоволно закрепнатите Ламин Јамал, Феран Торес, Хектор Форт и Андреас Кристенсен, а Рафиња не патува, доби дополнителен одмор.
Шанса треба да добијат некои од оние со помала минутажа како Де Јонг, Ерик Гарсија, Ансу Фати, можеби и Араухо кој се врати по повредата.
