Селекцијата на Србија ја одбрани титулата светски шампион во баскет три на три откако во финалето на СП, кое се играше во Виена, Австрија, со неверојатен пресврт го совладаа САД со 21:19.
Ова е шеста светска титула за Србија на вкупно осумте досега одржани Светски првенства. Селекцијата на Србија овојпат ја претставуваа Дејан Мајсторовиќ, Марко Бранковиќ, Михајло Васиќ и Страхиња Стојачиќ.
Watch how Serbia 🇷🇸 defeated USA to win their 6th FIBA 3×3 World Cup title #3x3WC pic.twitter.com/VYmoaisHHX
— FIBA3x3 (@FIBA3x3) June 4, 2023
До победата во финалето тие дојдоа со неверојатен пресврт во финишот. САД имаше предност од 19:15 и му беше потребен само уште еден поен, но Србија направи серија од 6:0 и ја одбрани титулата.
Трагичар е поранешниот професионален кошаркар Џимер Фредет, кој двапати шутираше за победа и не погоди, а во вториот обид топката речиси „се шеташе“ на обрачот, но не влезе.
3×3 Basketball Gods exist, and so far like Serbia 🇷🇸#3x3WC pic.twitter.com/QzhbMPZxyt
— FIBA3x3 (@FIBA3x3) June 4, 2023
Во женска конкуренција, титулата ја освои САД, кои во финалето го победија сега веќе поранешниот светски шампион Франција со 16:12.
