Кошаркарите на Мајами хит го елиминираа најдобриот тим од регуларниот дел од сезоната, Милвоки бакс, откако во петтиот меч од плејоф-серијата славеа со 128:126, и тоа по продолжението од пет минути. Жешките ја добија серијата со 4-1 и си закажаа пресметка со Њујорк никс, кој по пауза од 10 години, ќе игра во конференциско полуфинале.
Jimmy Butler.
Poetry.#PhantomCam pic.twitter.com/RbHtsm3kyL
— NBA (@NBA) April 27, 2023
На Милвоки не му помогна ниту враќањето на Јанис Адетокумбо бидејќи на спротивната страна блескаше Џими Батлер со 42 постигнати поени, на кои им продаде и 8 скока. Винсент даде 22 поени, Адебајо имаше 20 поени и 10 скока, а Кевин Лав оствари дабл-дабл од 15 поени и 12 скока.
Кај Милвоки, Јанис беше најдобар со 38 поени и 20 скока, додека Крис Мидлтон постигна 33 поени.
Њујорк никс по пауза од 10 години ќе игра во полуфиналето на Источната конференција, и тоа против Мајами, откако со 4-1 во победи славеше над Кливленд кавалирс. Победата која ги однесе на мегдан со Мајами, кошаркарите на Њујорк ја остварија со 106:95. Брансон го предводеше Њујорк со 23 поени, додека кај Кливленд најдобар беше Донован Мичел со 28 поени.
Голден стејт вориорс покажа зошто е шампион и од негатива 0:2, стигна до водство од 3:2 во победи во серијата против Сакраменто кингс. Воините предводени од Стеф Кари и неговиот 31 поен славеа со 123:116 и во следниот меч пред своите гледачи ќе имаат шанса да обезбедат пласман во полуфиналето на Западната конференција.
Шести натпревар ќе се игра и во серијата меѓу Мемфис гризлис и ЛА лејкерс. Во петтиот дуел, Мемфис славеше со 116:99 и намали на 2:3 во победи. Дезмонд Бејн постигна 33 поени и имаше 10 скока за победникот, додека листата на стрелци кај Лејкерси ја предводеше Ентони Дејвис со 31 поен и 19 скокови.
