Македонскиот репрезентативец Егзон Бејтулаи стана татко на ќерка, која ќе се вика Клеа.
Бејтулаи е со националниот тим во ерменски Ереван и таму ја дозна прекрасната вест. Со ова, расположението во репрезентацијата, кое и онака е одлично, се искачи на уште повисоко ниво, па фудбалерите прославија со новопечениот татко на денешната вечера. Фудбалерот на Шкендија има 24 години.
Утре, „рисовите“ ќе се обидат да ја совладаат Ерменија и да потврдат дека се неприкосновени во својата група од Лигата на нациите.
