Македонскиот првак Шкендија утре ќе гостува во Турција кај Самсунспор во реванш мечот од нокаут фазата за пласман во осминафиналето од Конференциската лига на УЕФА. Тетовчани на првиот меч загубија со 0:1 во Скопје, и сега мора да победат на гости ако сакаат да се надеваат дека ќе продолжат во следната рунда од ова натпреварување.
Тренерот на Шкендија, Јетон Беќири верува дека неговиот тим уште има шанси за успех, но едноставно мора да се одигра подобро отколку на првата средба во Скопје
„Секако дека посакуваме утре да бидеме на највисоко ниво. Самсунспор е силен тим , но веруваме дека ќе одиграме добар меч утре, подобар од оној што го одигравме во Скопје. Ќе направиме се што е во наша моќ“ – рече Беќири а потоа продолжи.
„За нас првиот меч беше тежок. Утре нормално дека ќе одиграме подефанзивно, но пак ќе се обидеме да наметнеме наш ритам, наша тактика. Го анализиравме доста противникот, на терен ќе се бориме до последниот атом на силите“ – изјави на официјалната прес конференција, тренерот на Шкендија, Јетон Беќири.
