Белгија ја победи Канада со 1:0, но и разочара со играта како еден од главните фаворити на Мундијалот во Катар.
Канаѓаните изненадија со играта, особено во првото полувреме, кога ги стиснаа Црвените ѓаволи, но премногу не погодуваа, а и беа оштетени и немаа фер судење.
Трагичар на мечот беше Алфонсо Дејвис, кој промаши пенал за Канада во 11-тата минута, односно ударот што беше слаб му го одбрани Тибо Куртоа.
Втор фактор беше слабата реализција на поразениот тим, а Канаѓаните промашија дузина чисти шанси.
Трет и можеби и клучен фактор беше слабото судење на контроверзниот Замбиец Сиквазе.
Тој е познат по тоа што отсвири крај на меч од Африканскиот куп на нациите неколку минути пред регуларните 90, а вечерва во Доха беше изгубен, комплет со своите помошници и со судиите во ВАР-собата.
Канада беше драстично оштетена во 14-тата минута, веднаш по промашениот пенал, а имаше чист втор казнен удар за нив.
Офсајд во таква ситуација нема според правилата на ФИФА, а неми останаа судиите во ВАР собата.
Во второто полувреме немаше гол и Белгија стартуваше на Мундијалот со победа од 1:0.
Во следното коло на 27 ноември од 14 часот Белгија ќе игра против Мароко, а од 17 часот Канада ќе ѝ се спротивстави на Хрватска.
