Белинда Бенчиќ стана првата жена од Швајцарија која освоила златен олимписки медал во тенис. Швајцарката која има потекло од Словачка и беше шеста носителка, во финалето во Токио ја совлада Чехинката Маркета Вондрушова со 7-5, 2-6, 6-3.
Досега во историјата на ЛОИ, злато за Швајцарија во тенис имаа освојувано само Марк Росе во 1992 година и дублот Федерер/Вавринка во 2008 година.
Бронзениот медал во женска конкуренција го освои Елина Свитолина од Украина.
