Младата ѕвезда на Борусија Дортмунд, Џуд Белингам се соочува со голем проблем и кривична пријава, по изјавата што ја даде веднаш по завршувањето на германското дерби меѓу Борусија Дортмунд и Баерн Минхен.
Гостите победија со 3:2, а во таборот на Милионерите беа незадоволни од судењето на Феликс Цвајер.
Ерлинг Халанд и Џуд Белингам во изјавите по мечот го нападнаа судијата дека бил пристрасен и арогантен и не досудил барем два пенали за Борусија.
Особено остра беше изјавата на Белингам, кој рече дека не очекувал ништо повеќе од судија кој учествувал во местење на натпревари во минатото.
BELLINGHAM: – You give a referee that has match fixed before, the biggest game in Germany, what do you expect?
(@JanAageFjortoft) pic.twitter.com/H5yU9hz6PT
— Viaplay Fotball (@ViaplayFotball) December 4, 2021
Судиското лоби му поднесе кривична пријава, што значи дека Џуд во најмала рака може да добие суспензија и да не игра на неколку натпревари.
Олеснителна околност за ѕвездата на Борусија би можело да биде поранешна изјава на Мануел Графе, кој е поранешен судија, а го обвини Цвајер дека земал мито и ја криел информацијата за еден од најголемите скандали во Германија поврзан со уште еден судија, Роберт Хојцер.
Цвајер беше обвинет и суспендиран на шест месеци поради тоа што земал 300 евра мито од Хојцер, судија кој учествуваше во скандал со местење на натпревари и беше суспендиран доживотно.
