Реал Мадрид со победа над Брест од 0-3 на гостински терен ја заврши групната фаза од Лигата на шампионите, но не успеа да дојде до пласман во најдобрата осумка, па ќе мора да игра во плејофот, каде што противник ќе им бидат Манчестер сити или Селтик.
„Беше важно да победиме и да ја завршиме оваа фаза на високо ниво. Мислам дека се изневеривме самите себеси на некои од натпреварите и затоа сега ќе играме во плејофот. Ќе се обидеме да се прикажеме во најдобро светло против кого и да играме. Мислам дека веќе е јасно дека работите почнуваат да функционираат во последните недели. Не е важно кој постигнува голови, на секој натпревар се појавува различен стрелец. Дали тоа сум јас, или Родриго или Мбапе, секогаш има некој со индивидуален сјај“, вели Белингам.
