Следната седмица треба да биде реализиран трансферот на Џуд Белингам од Борусија Дортмунд во Реал Мадрид. Како што тврди шпанскиот весник „Марка“, раководството на Кралевите веќе одржало состанокот со тренерот Карло Анчелоти, кого го информирале за трансферот.
Според шпекулациите, трансферот на Белингам ќе биде над 100 милиони евра, вклучително и сите бонуси за освоени трофеи, но и настапи на фудбалерот во дресот на Реал Мадрид.
Според медиумите, англискиот репрезентативец имал и многу побогати понуди, но неговата желба била да настапува за Реал Мадрид.
Белингам, кој има 19 години, со Кралскиот клуб ќе потпише договор на шест години.
