Раководството на Бенфика одлучи да го отпушти тренерот Бруно Лаге откако клубот од Лисабон испушти водство од 2-0 и загуби од Карабах со 3-2 на стартот на Лигата на шампионите.
Лаге беше на клупата на Бенфика од септември 2024 година и на 66 меча успеа да забележи 49 победи, но поразот од претставникот на Азербејџан му пресуди.
Сега се очекува раководството предводено од Руи Коста да назначи нов тренер, а прв фаворит, според португалските медиуми, е Жозе Мурињо, кој е без клуб по разделбата со Фенербахче.
Мурињо својата тренерска кариера ја започна токму во Бенфика и тоа во 2000 година.
