Карим Бензема е голгетер кој повеќе од една и пол деценија опстојува во врвниот фудбал во Европа. Францускиот интернационалец погоди за Реал во 87-мата минута и најави дека Кралевите нема да загубат на гостувањето кај Борусија Менхенгладбах.
На крајот така и се случи. Реал даде и втор погодок во судиското надополнување и освои бод од тешкото гостување во Германија, а Бензема стигна до две интересни постигнувања.
За Бензема ова е 16-та сезона по ред да се запишува во листата на стрелците во Лигата на шампионите, со што им се приклучи на Лионел Меси и Рајан Гигс како единствени со исто вакво постигнување. Французинот четири години играше во дресот на Лион, а дури 12 сезони е во Кралскиот клуб.
Борусија Менхенгладбах е вкупно 30-ти различен клуб на кој Бензема му дава гол во елитното натпреварување на УЕФА. Само тројца играчи претходно постигнувале погодоци против најмалку 30 различни ривали, а тоа се Лионел Меси, Кристијано Роналдо и Раул.
30 – Borussia Mönchengladbach are the 30th different opponent Karim Benzema has scored against in the Champions League, making him the fourth player to score against 30+ different sides, along with Lionel Messi, Raúl and Cristiano Ronaldo. Collection. pic.twitter.com/wYCW4XVEKI
— OptaJoe (@OptaJoe) October 27, 2020
