Добитникот на Златната топка за 2022 година, Карим Бензема, го посети својот поранешен клуб Реал Мадрид во хотелот во Саудиска Арабија.
Тимот од Мадрид се подготвува за полуфиналето од Суперкупот на Шпанија против Мајорка, а поранешниот напаѓач на Кралскиот клуб, кој сега игра за саудиски Ал-Итихад, разговараше со своите пријатели.
Некои од лицата му се добро познати и со нив ја делеше соблекувалната, а некои се нови и не играа во Реал кога тој беше дел од клубот.
Бензема им порачал дека Реал Мадрид има многу фанови во Саудиска Арабија.
„Мислам дека цела Џеда навива за Реал Мадрид. Ќе видите дека вечерва на стадион сите ќе бидат облечени во бело. Победуваме вечер, ќе играме ново финале“, рече Бензема за кој Реал е најголем на светот, а нападот кој го има со Мбапе, Винисиус, Родриго, Белингам, е како од соништата.
