Карим Бензема веќе неколку сезони е главен адут во Реал Мадрид. Францускиот голгетер, кој ја доби и Златната топка благодарение на блескавите игри во Кралскиот клуб, синоќа прослави убав јубилеј на дербито против Барселона.
Бензема даде гол, но тој беше само за ублажување на поразот од 1:3. Токму тој погодок е јубилеен 400-ти погодок за Французинот во клупската кариера. Како играч на Олимпик Лион, Бензема има дадено 66 гола, а во дресот на Реал Мадрид има вкупно 334 погодоци, па се доаѓа до бројката од 400 погодоци.
400 – Thanks to his goal against Barcelona, Karim Benzema has scored the 400th goal of his club career in all competitions (66 with Lyon, 334 with Real Madrid). GoldenBall. #RMAFCB pic.twitter.com/W84O9WV5iA
— OptaJean (@OptaJean) January 15, 2023
За разлика од Бензмеа, кој прослави 400 клупски погодоци, неговиот многу помлад сонародник, Килијан Мбапе, синоќа го одигра 300-тиот дуел во клупската кариера. Мбапе започна во Монако, каде што одигра 60 средби со 27 погодоци, додека во дресот на ПСЖ сега има 240 натпревари и 191 погодок.
Интересно е дека и Мбапе како и Бензема до својот јубилеј во клупската кариера стигна со пораз. ПСЖ загуби на гости кај Рен со 1:0.
300 – Kylian Mbappé is playing against Rennes his 300th game in club career in all competitions:
60 with Monaco (27 goals)
240 with Paris (191 goals)Gladiator. #SRFCPSG pic.twitter.com/dbIoawAPe8
— OptaJean (@OptaJean) January 15, 2023
