Напаѓачот на Реал Мадрид, Карим Бензема, ќе ја освои „Златната топка“ за 2022 година, и тоа со најголема разлика во однос на второпласираниот во историјата на изборите, информира специјализираниот фудбалски портал Goal.
„Златната топка“ ја доделува „Франс фудбал“, а годинава церемонијата ќе се одржи на 17-ти октомври. Во гласањето учествуваат 180 новинари од целиот свет. Ланскиот контроверзен победник Лионел Меси, годинава воопшто го нема на листата на кандидати.
Бензема беше прв стрелец во Лигата на шампионите и шпанската Ла Лига, и го предводеше Реал Мадрид до титулите во овие две натпреварувања.
