Карим Бензема го постигна првиот хет-трик сезонава, и му донесе победа на Реал Мадрид од 3-0 против Атлетик Билбао. Подогоците на францускиот голгетер паднаа во второто полувреме, откако во првите здодевни 45 минути, Реал не упати ниту еден шут кон голот на баскијците.
Бензема првите два гола ги даде со глава, и сезонава има дадено 10 гола со глава во сите натпреварувања, и со тоа е единствен со таков подвиг меѓу играчите од клубовите од топ 5 лигите. Карим е стрелец на последлните осум гола за Реал и тоа е нов рекорд на најтрофејниот шпански клуб.
Тој стана и 21-ви стрелец во историјата на шпанската лига. Ова на Бензема му е втор хет-трик како играч на Реал. Првиот беше во декември 2015, во победата над Рајо Валјекано од 10-2.
Билбао е омилената жртва на Бензема. Против овој тим, има дадено 11 гола, најмногу во однос на сите други.
