Карим Бензема само по една сезона помината во Ал-Итихад, сака да ја напушти Саудиска Арабија и да се врати во Европа, но најверојатно тоа нема да се случи ова лето.
Бензема минатото лето потпиша двегодишен договор со Ал-Итихад тежок неверојатни 400 милиони евра, а според договорот, тој може само да го промени тимот во лигата, но не и да си замине од Саудиска Арабија.
Причина за тоа е што Бензема потпиша договор со државниот саудиски инвестициски фонд (ПИФ), кој е сопственик на четирите најголеми клубови во земјата (Ал-Наср, Ал-Хилал, Ал-Итихад и Ал-Ахли) и тие не сакаат да му дозволат да си замине бидејќи со тоа ќе се наруши угледот на лигата и на земјата.
Единствена опција за да си замине од Саудиска Арабија е тој да се откаже од 200 милиони евра кои би ги заработил следната сезона и да плати пенали од неколки десетици милиони евра за предвремен раскин на договорот.
Како можна опција за Бензема за следната сезона се споменува францускиот Олимпик Лион.
