Карим Бензема сосема немаше среќа синоќа. Францускиот напаѓач ги одигра сите 90 минути во дербито против Барселона, но не успеа да се запише во листата на стрелците, а Реал испадна од Купот. Освен што се помири со фактот дека нема да игра во финалето на Купот на Шпанија, Бензема кога се враќал дома, го дочекало уште едно непријатно изненадување.
Додека играл на Ел Класико, крадци влегле во неговиот дом и го ограбиле. Засега не се знае точната штета која е направена, но секако дека крадците многу добро знаеле каде влегуваат и дека во тоа време нема да има никој дома.
Ова не е прв пат во Шпанија да биде ограбена куќа на фудбалер. Пред две недели тоа му се случи и на Кевин-Принс Боатенг. Новиот играч на Барселона беше ограбен и „олеснет“ за 300.000 евра додека играше меч од Примера.
