Карим Бензема уште еднаш покажа зошто е лидер на Реал Мадрид постигнувајќи два гола во убедливата победа над Елче од 4:0. Со овој триумф, Кралскиот клуб повторно се врати на осум бода негатива зад лидерот Барселона.
На дуелот против Елче, Реал Мадрид имаше целосна доминација, а Бензема постави еден необичен личен рекорд. За првпат во 14-годишната кариера во шпанскиот гигант, Бензема на еден меч од првенството упати дури 10 шута кон противничкиот гол. Реал вкупно имаше 26 удари кон голот на Елче, од кои 13 беа во рамките на голот, а четири завршија во мрежата.
10 – Karim Benzema attempted 10 shots against Elche, his most in a single LaLiga game (428 appearances). Celebration. pic.twitter.com/TTTDuk8uVu
— OptaJose (@OptaJose) February 15, 2023
За Бензема ова беше 428-ми меч во првенството на Шпанија, а вкупно 628-ми дуел во Кралскиот клуб. Французинот синоќа се израдува на 429-тата победа и се израмни со Раул Гонзалес на третото место на играчи со најмногу победи во дресот на Реал Мадрид.
