Бернардо Силва наводно се премисли околу трансферот во Барселона и сега е решен да остане во Манчестер сити, на задоволство на навивачите на англискиот првак.
Каталонците на чело со тренерот Чави силно го посакуваа Португалецот да го видат на „Камп ноу“, но се чини дека Бернардо сепак ќе остане Граѓанин и во наредниот период. Сити бараше 100 милиони евра за да се согласи на трансфер, а познато е дека Барселона чека да го продаде Френки де Јонг за да собере средства пред да испрати конкретна понуда, но од ова ништо нема да се случи.
Англискиот шампион во меѓувреме отпочна со работа за нов договор за ексфудбалерот на Монако. Силва е еден од најкористените играчи од страна на Пеп Гвардиола, а откако пристигна на „Етихад“ во летото 2017 година, Бернардо освои 11 трофеи, од кои четири се титули во Премиер лигата.
