Иако изминатите месеци името на Бернардо Силва се поврзуваше со трансфер во Саудиска Арабија и Барселона, португалскиот репрезентативец веќе знае каде ќе игра откако ќе ја заврши одисејата со Манчестер сити.
Бернардо Силва изјави дека има договор со Граѓаните до 2026 година и сигурно е дека нема да се пресели во Саудиска Арабија, каде што го мамат со огромна плата, туку сака да се врати во татковината.
„Сакам да играм за Бенфика, нормално под услов тие да ме сакаат мене. Доколку се испадне како што се надевам, тогаш повторно би заграл за мојот омилен тим. Ја поминав целата академија на Бенфика, но одиграв само еден натпревар за првиот тим“, изјави Силва, кој порача дека нема шанси да игра за најголемите конкуренти на Орлите.
„Нема шанси да играм за тие два клуба, Порто и Спортинг Лисабон. Тоа нема да се случи“.
