Заврши сезоната во Првата македонска фудбалска лига. Единствената дилема пред денешните средби беше дали Брера Струмица или Беса ќе игра во баражот за опстанок.
Струмичани дома го победија Работнички со 3-2 и изборија учество во ПМФЛ и следната сезона, додека тимот од гостиварски Добри Дол ќе мора да игра бараж за опстанок против третопласиранот тим од Втората лига. Беса со 4-1 го совлада Пелистер, ова беше најефикасно прволигашко издание на клубот кој беше нов тим во елитата сезонава.
Шкендија и официјално е шампион, на тетовци им е доделен шампионскиот пехар од страна на ФФМ. Тетовци денеска загубија од Силекс со 1-3.
Силекс и Работнички ќе играат во квалификациите во Лигата на Конференции, а директно испаднаа Воска и Гостивар, клубови кои одбија да ја доиграат сезоната.
