Инцидентот што се случи по завршување на бараж-двмечот во Англија меѓу Нотингам форест и Шефилд јунајтед ќе добие епилог, а навивачот на Шумарите, кој како бесен бик налета на Били Шарп и го покоси крај теренот, е упасен.
Се бара и затворска казна, а од Нотингам форест најавија дека ќе му биде забранет влез на стадионот.
По мечот што двојниот европски првак го доби на пенали и се пласира во финалето за пласман во Премиер лигата, имаше инвазија на домашните навивачи на теренот, а еден од нив без никаква причина го нокаутира повредениот играч на гостите.
Шарп е легенда на Шефилд јунајтед, но вчера не играше, а настрада по ударот на хулиганот.
Интересно е што во еден дел од кариерата играше и за Нотингам форест во сезоната 2012/2013.
Forest fan headbutts Sheffield United’s billy sharp pic.twitter.com/vQ98GP4YNu
— Football Fights (@footbalIfights) May 17, 2022
Полицијата го уапси напаѓачот, а се бара и строга затворска казна за него.
Нотингам форест ќе игра против Хадерсфилд на „Вембли“ на 29 мај за промоција во Премиер лигата, а тоа е најскапиот фудбалски бараж-меч што носи заработка од над 200 милиони фунти.
