Типувањето за петтото коло сезонава на интересната и бесплатната игра на Sport Life, Спортска прогноза, е отворено од вчера и ќе трае до сабота во 13.30 часот, кога започнува натпреварот од Премиер лигата помеѓу Астон вила и Брајтон, прв меч од основната 13-ка.
Од понудените 13 натпревари, по три се од Англија, Шпанија, Франција и Германија, додека еден меч е од Италија.
Најголем предизвик за типувачите ќе биде премиерлигашкиот дуел помеѓу Тотенхем и Ливерпул. Според процентите на досега дадените прогнози, двојно повеќе играчи веруваат во победа на Црвените отколку во победа на Петлите. Но, до сабота овие проценти може и во голема мера да се сменат.
И Реал Сосиедад е фаворит во баскиското дерби против Атлетик Билбао на мнозинството прогнозери, а предност им се дава и на Астон вила против Брајтон, на Монако против Марсеј и на Јувентус против Аталанта во другите поинтересни двобои.
За погодена 13-ка, подарокот можете сами да си го одберете.
Изборот е меѓу трите понудени варијанти:
Смарт ТВ самсунг 55” 4K,
Xiaomi електричен тротинет и
Сони плејстејшн 5.
Стандардно, подароци има и за прогнозерите што ќе утнат еден пар, ним им следува ваучер од 1.000 денари во Sport Life, а тие со две утки добиваат ваучер од 500 денари.
Прогнозирајте и бидете во трка за освојување примамливи подароци!
