Арсенал и Тотенхем одиграа 2:2 во лондонското дерби, со кое со комплетираше четвртото коло во Премиер лигата. Двете екипи може да жалат што не стигнаа до трите бода. Тотенхем имаше предност од 2:0 со головите на Ериксен во десеттата минута и на Кејн во 40-тата минута од пенал.
Сепак, дека Арсенал не се предаде,потврди Лаказет со погодокот во последната минута од првиот дел и најави неизвесни втори 45 минути. Во 71-вата минута, радост за домашните фанови донесе Обамејанг за 2:2. Арсенал повеќе напаѓаше, домаќините упатија дури 26 удари кон голот на Тотенхем, но сепак не успеаја да направат целосен пресврт.
На крајот, ни една од двете екипи не може да се задоволни со ремито бидејќи заостануваат во трката за горниот дел од табелата. Арсенал е со седум бода и е на петтото место, а Тотенхем има само пет бодови досега во шампионатот.
