Барселона беше во полн налет, меѓутоа и Бетис имаше одлична серија во Ла Лига. Двата тима одиграа одличен меч на „Монжуик“, а на крајот ремизираа 1-1. На овој резултат можеби најмногу се израдуваа Карло Анчелоти и фудбалерите на Реал Мадрид, кои сега сѐ уште можат да се надеваат во трката за шампионската титула.
Сега Барселона има четири бода предност пред Реал на врвот на табелата во Ла Лига.
Барселона поведе рано, со голот на Гави во седмата минута. Сепак, Бетис возврати брзо, откако погоди Натан во 17-та минута.
Домаќинот имаше уште неколку одлични шанси, но одбраната на Бетис одолеа и гостите успеаја да останат непоразени.
