Актуелниот светски вицешампион, селекцијата на Франција ја победи Холандија со 2:1 во меч од шестото коло на група Ј и веќе си обезбеди пласман на Европското првенство 2024 година. Освен головите и победата доволна за виза за континенталниот собир, главна тема беше и однесувањето на нивниот стопер Жан-Клер Тодибо.
Пред мечот, имаше едноминутно молчење, а камерите го „уловија“ Тодибо како се смее во периодот кога требаше да биде сериозен и да молчи. Минутата почит беше за убиениот професор во француското место Арас, а Тодибо почнува да се смее токму во моментот кога камерата го има него во кадар, што наиде на остри реакции во јавноста.
Тодибо најчесто е резерва во француската репрезентација, а на клупски план е дел од тимот на Ница, каде игра како позајмен играч од Барселона.
French football player Jean-Clair Todibo laughs during the minute of silence for the teacher whose throat was slit in Arras.pic.twitter.com/ZvOnhJIst7
— Visegrád 24 (@visegrad24) October 14, 2023
