Градот Гевгелија ќе ја организира продажбата на влезниците за кошаркарскиот меч меѓу Македонија и Косово што ќе се игра во овој град на втори декември, во недела, од 17.45 часот.
Цената на влезниците е 100 денари, а тие ќе се продаваат од денеска до сабота, и тоа само во Гевгелија. Интересот е голем за балканското дерби, но од МКФ и Градот Гевгелија информираат дека на денот на одигрувањето на мечот нема да се продаваат билети.
Македонија атакува на третата победа во претквалификацииите за настап на Евробаскетот во 2021 година и ако го победи Косово, речиси сигурно ќе оди во следната фаза на патот до големото натпреварување.
