Фудбалскиот клуб кој ги обединува македонските исселеници во Австралија, Престон лајонс, беше поразен во полуфиналето од разигрувањето за шампион на државата Викторија, од Хејделберг со 2-1 и со тоа ја заврши успешната сезона.
Сепак, она што ќе се памети и за што известуваат австралисиките медиуми се македонските навивачи, кои ги исполнија трибините и во текот на сите 90 минути не прекинаа да ги бодрат своите фудбалери со македонска песна.
Од видеото кое беше објавено на социјалните мрежи може да се види, но и да се слушне, како звучи „Бисер балкански“ од грлата на неколку илјади Македонци, навивачи на „лавовите“ од Престон.
