Еден од главните играчи на Бруклин, Кајри Ирвинг, синоќа не го доигра четвртиот меч против Милвоки бакс, а неговиот тим загуби. На средината од втората четвртина, Ирвинг во една акција под кошот успеа да погоди, но при доскокот, згазна директно на ногата на Јанис Адетокумбо и го повреди зглобот.
Ирвинг остана да лежи на паркетот, а потоа беше изнесен од теренот.
„Во следните неколку дена ќе знаеме каква е ситуацијата со Ирвинг. Ги стискаме палците за да добиеме добри вести“, вели тренерот на Бруклин, Стив Неш.
