Кајсериспор со 2:1 загуби на гостувањето кај Самсунспор во меч од последното коло од турското фудбалско првенство. Гостите водеа со 1:0, но Самсунспор во неевројатен финиш со голови постигнати во 90+5 и 90+8 минута направија пресврт и стигнаа до победа од 2:1.
Со овој триумф Самсунспор го задржа третото место на табелата, а Кајсериспор остана на средината од табелата.
Освен неверојатниот финиш на домаќините, овој меч ќе се памти и по бизарниот црвен картон што го доби тренерот на гостите Сергеј Јакировиќ. Хрватскиот стратег беше удрен со шише со вода во грбот, а тој само се сврте кон публиката и саркастично им аплаудираше на оние кои правеа испади.
Главниот судија процени дека тренерот прави провокација кон гледачите и му даде жолт картон, што беше втор за него на средбата и автоматски доби црвен картон па мораше да ја напушти клупата.
Sergej Jakirovic has been sent off in his final game with Kayserispor for clapping the home, Samunspor, fans after they threw bottles at him…pic.twitter.com/vd7gtbPHxd
— Croatian Football (@CroatiaFooty) June 1, 2025
